Екипата на Младост 96 првопласирана во Супер лигата

 По одигрувањето на последниот турнир од есенскиот дел на првенството во пинг понг во најсилната лига екипата на Младост 96 од Прилеп со максимален учинок, девет победи од девет одиграни натпревари неприкосновено го освои првото место. На второто место се наоѓа уште една прилепска екипа, Младост кои единствениот пораз во есенската полусезона го забележаа против градскиот ривал Младост 96. Во последните две кола Младост забележа минимални победи од 4:3, против директниот конкурент за второто место, штипските Шампион ФА и екипата на НЕЦ 2. 

 Од четвртото до седмото место потполно изедначени според бодовната состојба се наоѓаат четири екипи, новиот супер лигаш Крива Паланка 2007 е на четвртото место, петтопласиран е Вардар кој после почетните четири порази на почетокот на сезоната, во следните пет кола забележа четири победи, шеста е екипата на НЕЦ 2 за кои игра играчот од Србија Милош Миленковиќ, кој во есенскиот дел од сезоната нема пораз, и на седмото место се пласираа Работнички кои беа поразени во последните две кола и од четвртото место паднаа на седмото место на табелата. Радовиш е осмопласиран со бод повеќе од екипата на НЕЦ. Последна е екипата на Струга кои во есенскиот дел не забележаа ни една победа.

Младост 96

Резултати

СУПЕР ЛИГА VIII КОЛО
Работнички - Вардар 3:4
Нец - Струга 4:0
Шампион ФА - Младост 3:4
Нец 2 - Радовиш 4:2
Младост 96 - Крива Паланка 2007 4:2
СУПЕР ЛИГА IХ КОЛО
Крива Паланка 2007 - Работнички 4:2
Радовиш - Младост 96 0:4
Младост - Нец 2 4:3
Струга - Шампион ФА 1:4
Вардар - Нец 4:1
Натпреварите од Супер лигата продолжуваат напролет.
Следно на пинг понгарската сцена во есенскиот дел од сезоната се натпреварите од јуниорската лига и рангирните мастерс турнири во сите категории.
 
 
Пинг-Понг Федерација на Македонија © 2018 . All Rights Reserved. веб дизајн & хостинг www.Acvilla.eu.mk

Пребарај