Од 26ти до 30ти април во Осијек, Хрватска се одржува турнирот Europеan Youth Series кој е прв од овој вид, а е организиран од Европската пингпонгарска федерација заедно со Хрватската пингпонгарска федерација. На турирот се играат следните категории: мешани тимови до 13 и до 15 години, машки и женски поединечно до 13 и 15 години и машки и женски двојки до 13 и до 15 години. На турнирот земаа учество околу 100 играчи од 15 земји од Европа меѓу кои се и нашите репрезентативци до 15 години: Александар Јакимовски од ППК Крива Паланка, Фани Јовановска од ППК Крушево, Матеја Смолиќ од ППК Рисови и Андреј Стојановски од ППК Крива Паланка. Како главен судија на турнирот е и Ангелина Иванова од Македонската пингпонгарска федерација, која ја доби довербата од ЕТТУ да го води овој турнир. Им посакуваме среќа на нашите играчи и успешен турнир. Резултатите може да ги пратите на официјалната страна на ЕТТУ: https://www.ettu.org/.../europe-youth-series/croatia-open/
